ABŞ və İran razılığa gəlmək üçün ekspert qrupları yaradıb

ABŞ və İran arasında yekun razılığa gəlmək üçün texniki və ekspert qrupları yaradılıb.

"Ölkə.az" xəbər verir ki, bu barədə Qətər Xarici İşlər Nazirliyi məlumat yayıb.

Nazirlikdən bildirilib ki, ABŞ və İran arasında anlaşma memorandumunun bütün aspektlərini əhatə edəcək yekun razılaşmanın şərtləri barədə razılığa gəlmək üçün ixtisaslaşmış texniki və ekspert qrupları yaradılıb.

Bundan əlavə, sənəddə qeyd olunur ki, sonradan memorandumun icrasına nəzarət etmək, əldə edilən irəliləyişi izləmək və yekun razılaşmanın bağlanması üzərində işləmək üçün qruplar yaradılıb.

Bəyanatda deyilir ki, bu, bütün tərəflərin hərtərəfli və davamlı bir razılaşmaya nail olmaq məqsədilə danışıqlar prosesini vicdanla irəli aparmaq öhdəliyini əks etdirir.

Elvin

Ölkə.az