Bu ölkədə Trampın dəstəklədiyi namizəd prezident seçildi

Kolumbiyada üsyançı qruplara qarşı yenidən hərbi kampaniyanın tərəfdarı olan Abelardo de la Espriella prezident seçkilərinin ikinci turunda az fərqlə qalib gəlib. Lakin onun rəqibi İvan Sepeda nəticələri tanımadığını və səslərin yenidən sayılmasını tələb edəcəyini bildirib.

Ölkə.az “Reuters”ə istinadən xəbər verir ki, bülletenlərin sayılma prosesi demək olar başa çatıb.

İlkin nəticələrə görə, Abelardo de la Espriella səslərin 49,65%-ni, solçu rəqibi Zepeda isə 48,70%-ni toplayıb. Mütləq rəqəmlərə görə, aralarındakı fərq təxminən 246.000 səsdir.

Lakin İ.Zepeda bildirib ki, onun seçki qərargahı 33 min seçki qutusundan gələn bülletenlərin yenidən sayılmasını tələb edəcək.

ABŞ Prezidenti Donald Tramp seçkilərdən əvvəl Abelardo de la Espriellanın namizədliyini tam dəstəklədiyini bildirib.

Kolumbiyanın səlahiyyət müddəti bitən solçu Prezidenti Qustavo Petronun Trampla münasibətləri elə də yaxşı olmayıb.

ABŞ Kolumbiyaya əsasən narkotiklərlə mübarizə məqsədləri üçün milyardlarla dollarlıq hərbi yardım göstərir.

ABŞ Prezidenti Donald Tramp, dövlət katibi Marko Rubio Abelardo de la Esprielanı seçkidə qələbə çalması münasibəti ilə təbrik ediblər.

“O, qalib gəldi və böyük fərqlə qalib gəldi!”, - Tramp iyunun 22-də “Truth Social” sosial hesabında sağçı mühafizəkar “Vətən Müdafiəçiləri” Hərəkatının namizədi Abelardo de la Espriellanı Kolumbiyada keçirilən prezident seçkilərində qələbəsi münasdibəti ilə yazdığı təbrikdə deyilir.

ABŞ Dövlət Departmentinin bəyanatında isə bildirilib ki, bu nəticə Kolumbiya xalqının iradəsini və demokratiyaya sadiqliyini əks etdirir.

Rəsmi seçki nəticələri hələ Milli Seçki Şurası tərəfindən dərc olunmayıb.

Mürtəza