Rusiya Türkiyə gəmisini vurdu - Ölən və yaralananlar var
Ölkə.az xəbər verir ki, bu barədə Ukrayna Hərbi Dəniz Qüvvələri məlumat yayıb.
Bildirilib ki, Rusiya pilotsuz uçuş aparatı Qara dənizdə Türkiyənin “VICTRESS” adlı gəmisini vurub. Göyərtəsində Misir, Türkiyə və Hindistanın 9 vətəndaşı olan gəmi Panama bayrağı altında üzürmüş.
“Çətin vəziyyət və yanğının daha da yayılması təhlükəsi nəzərə alınmaqla, Ukrayna Hərbi Dəniz Qüvvələrinin qayıqlarının heyətləri quru yük gəmisinin heyətini təxliyə etmək üçün xilasetmə əməliyyatını uğurla həyata keçiriblər. Təəssüf ki, onlar arasında itkilər olub”, - məlumatda bildirilib.
Ukrayna Baş nazirinin müavini Oleksiy Kulebanın sözlərinə görə, iyunun 22-də Ukrayna limanlarına gedən iki mülki ticarət gəmisi Rusiya dronları tərəfindən vurulub.
O deyib ki, gəmidə yanğın baş verib. 58 yaşlı aşpaz və Misir vətəndaşı olan heyət üzvü həlak olub.
Mürtəza
