Belarus sərhədinə 5 minə yaxın hərbçi göndərdilər
Almaniya NATO-nun şərq cinahını qorumaq məqsədilə Litvanın Belarusla sərhədinə 5 minə yaxın hərbçi göndərib.
Ölkə.az xəbər verir ki, bu barədə “Bild” nəşri məlumat yayıb.
Nəşrin məlumatına görə, hazırda Litvada Belarus sərhədindən cəmi 20 kilometr məsafədə təlim keçən 1800 alman əsgəri var. 2027-ci ilin sonuna qədər isə Litvada iki alman batalyonunun daimi əsasda yerləşdirilməsi planlaşdırılır.
Xatırladaq ki, hələ 2025-ci ilin mayında “Spiegel” nəşri Almaniyanın Litvada xidmət etmək üçün kifayət qədər könüllü tapa bilmədiyini yazmışdı. Fevral ayında isə Bundestaqın Müdafiə Komitəsinin sədri Tomas Rövekamp könüllü azlığı olacağı təqdirdə briqadanın məcburi şəkildə komplektləşdirilə biləcəyini bəyan etmişdi.(qaynarinfo)
