Rusiyada yanacaq böhranı: “Rosneft” rəhbəri Putinə müraciət etdi

Ölkə.az “Kommersant”a istinadən xəbər verir ki, İ.Seçin bu addımı may ayının sonlarından başlayaraq ölkənin bir neçə bölgəsində benzin və dizel təchizatı ilə bağlı vəziyyətin pisləşməsi fonunda atıb.

O, neft emalı zavodlarının gücü tam bərpa olunana qədər birja yolu ilə yanacaq satışına dair qaydaları müvəqqəti olaraq dayandırmağı və digər tədbirlərin görülməsini təklif edir.

Məlumata görə, Vladimir Putin Baş nazirin müavini Aleksandr Novaka “Rosneft” rəhbərinin təşəbbüslərini nəzərdən keçirməyi və hesabat hazırlamağı tapşırıb.

“Kommersant” yazır ki, may ayının sonlarından yanacaq bazarındakı vəziyyət təchizat çatışmazlığı səbəbindən daha da pisləşib. Bu, yanacaqdoldurma məntəqələrində qiymətlərin artmasına və bir neçə bölgədə qıtlığa səbəb olub. Bu həftə Omsk, İrkutsk, Saratov, Voronej, Voloqda və Tümen vilayətlərinin hakimiyyət orqanları benzin və dizel yanacağının pərakəndə satışına məhdudiyyətlər qoyublar. Krımda isə benzin və dizel yanacağı yalnız hökumət və təcili yardım xidmətləri üçün mövcuddur.

İyunun 23-də Baş nazirin müavini Aleksandr Novak yanacaq bazarındakı vəziyyəti “çətin, lakin idarəolunan” adlandırıb və dizel yanacağı ixracına tamamilə qadağa qoyulduğunu bildirib. Benzin ixracı hazırda 31 iyula qədər qadağandır.

Mürtəza