Ukrayna ilə bağlı yekun razılaşmalar əldə olunmayıb - Rubio
ABŞ və Rusiya arasında Alyaskada keçirilən sammit zamanı Ukrayna ilə bağlı yekun razılaşmalar əldə olunmayıb.
"Ölkə.az" xəbər verir ki, bu barədə ABŞ Dövlət Katibi Marko Rubio Bəhreyndə jurnalistlərə açıqlamasında bildirib.
“Alyaskada təkliflər irəli sürülüb, lakin heç bir razılaşma əldə edilməyib. Əgər razılaşma əldə olunsaydı, müharibə artıq başa çatmış olardı”, – deyə Rubio bildirib.
Dövlət Katibi vurğulayıb ki, ABŞ Ukraynadakı müharibənin sona çatdırılmasına kömək etmək üçün istənilən konstruktiv rolu oynamağa hazırdır.
O, Vaşinqtonun tərəflərin mövqelərini yaxınlaşdırmaqda və böhranın həllinə yardım göstərməkdə mühüm rol oynamalı olduğuna əminliyini ifadə edib.
