KTMT-dən İrəvana tələb: Pulu ödəyin
Ölkə.az xəbər verir ki, bunu Rusiyanın KTMT-dakı daimi nümayəndəsi Viktor Vasilyev bildirib.
“Ermənistan tərəfi artıq iki ildir ki, ödəməli olduğu 10%-i ödəmir”, - o deyib.
V.Vasilyev əlavə edib ki, Ermənistan KTMT-yə təşkilatın ümumi büdcəsinin 10%-ni ödəməlidir.
Xatırladaq ki, KTMT 1992-ci ilin 15 may tarixində Özbəkistanın Daşkənd şəhərində Kollektiv Təhlükəsizlik Müqaviləsinin imzalanması ilə yaradılıb. 18 sentyabr 2003-cü ildə isə beynəlxalq təşkilat kimi rəsmən fəaliyyətə başlayıb. Hazırda təşkilatın Rusiya, Belarus, Qazaxıstan, Qırğızıstan, Tacikistan və Ermənistan daxil olmaqla, 6 rəsmi üzvü var.
Ermənistan 2024-cü ildən etibarən təşkilatdakı iştirakını de-fakto dondurduğunu və tədbirlərdə iştirak etmədiyini bəyan etsə də, hüquqi olaraq hələ də üzv statusundadır.
Mürtəza
