Maduro xalqa müraciət etdi - İncildən ayələr oxudu

Ölkə.az xəbər verir ki, o, “X” sosial şəbəkə hesabında yaydığı müraciətində Matta İncilinin 25-ci fəslinin ayələrindən stat gətirib.

“Səni nə vaxt xəstə və ya həbsxanada görüb ziyarət etdik? Padşah onlara cavab verəcək. Sizə doğrusunu deyirəm: bu ən kiçik qardaşlarımdan birinə etdiyinizi mənə etdiniz”.

N.Maduro mövcud vəziyyətdə venesuelalıların bir-birini dəstəkləməli olduğunu vurğulayıb. O, uşaqlara kömək etməyə və effektiv təcili yardım xidmətlərinin təşkilinə xüsusi diqqət yetirilməsinə çağırıb.

Maduro sonda onu da qeyd edib ki, o və həyat yoldaşı yaralılar və itkin düşənlər üçün dua edirlər.

Xatırladaq ki, iyunun 25-nə keçən gecə Venesuelanın şimalında 7,1 maqnitudalı zəlzələ baş verib. ABŞ Geologiya Xidməti daha sonra 40 saniyə fərqlə 7,2 və 7,5 maqnitudalı daha iki yeraltı təkanın qeydə alındığını bildirib. Ölkə rəhbərliyi fövqəladə vəziyyət rejimi elan edib. Əsas təkanların ardınca 214 afterşok qeydə alınıb. Son məlumatlara görə, Venesuelada təbii fəlakət nəticəsində 1,4 mindən çox insan ölüb, daha 3,2 mindən çox insan isə müxtəlif dərəcəli xəsarətlər alıb.

Mürtəza