Maqnit qasırğası yaxınlaşır- təhlükə barədə XƏBƏRDARLIQ

Tədqiqatçılar üç günlük maqnit fırtınası proqnozunu açıqlayıblar.

Alimlər yeni həftənin kiçik bir maqnit qasırğası ilə başlayacağı barədə xəbərdarlıq ediblər. 

Ölkə.az xəbər verir ki, bu, güclü olmayacaq, lakin təsirini hava şəraitinə həssas olanlar hiss edə bilər.

Kr-indeksinin bu səhər artıq 4.7-yə yüksəldiyi və 5-ə çatdıqda maqnit fırtınasının başlayacağı bildirilir.

Proqnoza görə, iyunun 30-da 5 bal gücündə maqnit qasırğası gözlənilir.

5 bal gücündə maqnit qasırğası həm avadanlıqlara, həm də insanların rifahına təsir göstərə bilər. Belə günlərdə bəziləri baş ağrıları, zəiflik, yuxululuq, qan təzyiqinin kəskin artması, diqqətin azalması və qıcıqlanmanın artmasından şikayətlənirlər. 

Ürək-damar xəstəlikləri olan insanlar, yaşlılar və hava dəyişikliklərinə həssas olanlar sağlamlıqlarına xüsusilə diqqətli olmalıdırlar.

Xroniki xəstəlikləri və zəifləmiş immunitet sistemi olan insanlar da risk altındadır.(lent.az)