Dirəklərə bağlanan cinayətkarların sirri: "Betmen" əfsanəsi böyüyür
Ölkə.az “The Sun”a istinadən xəbər verir ki, hadisə ölkənin Xalisko ştatında qeydə alınıb.
“Meksikalı Betmen” kimi tanınan gizli qisasçı Laqos de Moreno şəhərində cinayətkarlara qarşı amansız mübarizə aprır.
Nəşrin yazdığına görə, o, küçələrdə işıq dirəklərinə yapışqanlı lentlə bağlanmış kişilərin aşkarlanmasından sonra məşhurlaşıb. “Meksikalı Betmen” cinayətkar saydığı şəxsləri elektrik dirəyinə sarıyır, onların ağızını yapışqanlı lentlə bağlayır və alınlarına oğru sözü yazır. Həmin şəxslərin yaxınlığında əvvəllər oğurladıqları güman edilən motosikletlər açkarlanıb.
“Meksikalı Betmen” iyunun ortalarında cinayətkarları ovlamağa başlayıb. İki həftə ərzində o, beş nəfəri dirəyə bağlayıb. Gizli qisasçı dirəyə bağladığı şəxslərin üzündə pişik bığları çəkmək üçün markerdən istifadə edib ki, bu da onun nişanı hesab olunur.
Polis naməlum şəxslər tərəfindən tutulan insanlara zərərçəkmiş kimi yanaşdığını və bəzilərinin ağır döyüldüyünü bildirib. “Meksikalı Betmen” axtarışa verilib.
Mürtəza
