ABŞ-də neft ehtiyatları kəskin azaldı
ABŞ-də kommersiya neft ehtiyatları son bir həftə ərzində 3.8 milyon barel azalaraq, iyunun 26-na olan vəziyyətə görə, 408.4 milyon barel təşkil edib.
Ölkə.az xəbər verir ki, bu barədə ABŞ Energetika Nazirliyi məlumat yayıb.
Nazirlikdən verilən məlumata görə, hazırkı ehtiyatların həcmi ilin bu dövrü üçün son beş ilin orta göstəricisindən 7% aşağıdır.
Dünya bazarında da neftin qiyməti ucuzlaşma tendensiyası nümayiş etdirib. Londonun ICE birjasında 2026-cı ilin sentyabr ayı üzrə "Brent" markalı neftin füçers qiyməti 1.47% azalaraq bir barel üçün 71.88 dollara enib. Avqust ayı üzrə WTI markalı neftin füçersləri isə 0.94% ucuzlaşaraq bir barel üçün 68.85 dollar təşkil edib.(oxu.az)
