ABŞ-dən İrana milyardlarla dollarlıq TƏKLİF

Ölkə.az xəbər verir ki, bu barədə "The Wall Street Journal" (WSJ) qəzeti məlumat yayıb.

Məqalədə bildirilir ki, bunun müqabilində İranın aktivlərinin dondurulması ləğv ediləcək.

Nəşr mənbələrə istinadən yazır ki, Amerika diplomatları Tehrana milyardlarla dollarlıq dondurulmamış vəsait müqabilində boğaza nəzarət iddialarından və tariflərdən imtina etməyi  təklif ediblər.

Qəzetin məlumatına görə, ABŞ-ın xüsusi elçiləri Stiv Uitkoff və Cared Kuşner bu həftə Dohada Qətər vasitəçiləri ilə yaranmış çıxılmaz vəziyyəti həll etmək və boğazın açılması ilə bağlı ötən ay əldə edilən ilkin razılaşmanı həyata keçirmək yollarını müzakirə ediblər.

WSJ mənbələrinə görə, həm Amerika, həm də İran tərəfi Qətərdə Livanda baş verən son döyüşləri müzakirə ediblər və bu, prosesə yeni bir mürəkkəblik qatıb.

Nəşrin məlumatına görə, İran təhlükəsizlik kimi xidmətlər müqabilində boğazdan keçən hər bir gəmi üçün rüsum almaq istəyir və potensial 40 milyard dolların böyük hissəsini almağı gözləyir. Bu iddia ABŞ və qonşu Körfəz ölkələri tərəfindən rədd edilib.

Elvin

Ölkə.az