Netanyahuya gözlənilməz zərbə
"Ölkə.az" xəbər verir ki, Ayzenkot Netanyahunun “İsraili İranın atom bombaları ilə məhv edilməsindən xilas etmək üçün iki dəfə hərəkətə keçdiyi” barədə bəyanatına reaksiya verib.
Keçmiş Baş Qərargah rəisinin sözlərinə görə, baş nazirin açıqlamaları reallığı əks etdirmir.
“Netanyahu çox narahatedici bir özünəinamla absurd fikirlər səsləndirib. İranın heç bir nüvə bombası yox idi. O, reallığı uydurur, təhlükəni şişirdərək İsrail cəmiyyətini qorxutmağa çalışır”, – Ayzenkotun sözlərini İsrail mediası sitat gətirib.
Bu açıqlama İsrail daxilində İran siyasəti və son hərbi əməliyyatlarla bağlı müzakirələrin daha da kəskinləşdiyini göstərir. Ayzenkotun bəyanatı həm də Netanyahunun İran təhlükəsini necə təqdim etməsi ilə bağlı ölkə daxilində fikir ayrılıqlarının dərinləşdiyini ortaya qoyur.
Qeyd edək ki, son aylarda İsraildə hökumətin təhlükəsizlik siyasəti, xüsusilə də İranın nüvə proqramı ilə bağlı qiymətləndirmələri siyasi və hərbi elita arasında ciddi mübahisə mövzusuna çevrilib.(Musavat.com)
