Baş nazir gözlənilmədən İSTEFA VERDİ

Ölkə.az xarici mətbuata istinadən bildirir ki, o, qərarını öz təlimatlarına uyğun olaraq işləməyə davam etməyin mümkünsüzlüyü ilə əsaslandırıb.

A.Munteanu deyib: “Baş nazir olmaq təklifini böyük məsuliyyətlə və müsbət dəyişikliklərə töhfə verə biləcəyimə dair qəti əminliklə qəbul etdim. Artıq öz prinsiplərimə və əqidəmə uyğun olaraq rolumu yerinə yetirə bilməyəcəyimi anladığım anda getmək qərarına gəldim”.

O, hökumət komandasına əməkdaşlığa görə minnətdarlığını bildirib, vəzifəsindən və yaşayış yerindən asılı olmayaraq vətəninə xidmət etməyə davam edəcəyinə əmin olduğunu söyləyib.

Baş nazirin istefasına səbəb kimi son günlərdə ölkəni sarsıdan korrupsiya qalmaqalları göstərilir. Xüsusilə, bir gün əvvəl, iyulun 2-də hüquq-mühafizə orqanlarının əməkdaşları Kənd Təsərrüfatı Nazirliyinin dövlət katibini rüşvət şübhəsi ilə saxlayıblar.

Bundan əlavə, mövcud hökumət tərəfindən təyin olunmuş MOLDATSA - Mülki Aviasiya Təhlükəsizlik Agentliyinin rəhbərinin saxta ali təhsil diplomu və pilot lisenziyası olduğu barədə məlumatlar ortaya çıxıb.

Xatırladaq ki, A.Munteanu 2025-ci ilin payızından Baş nazir vəzifəsində çalışırdı.

Mürtəza