Silahlı şəxslər “Eşşək” ləqəbli oliqarxın evini mühasirəyə aldı 

Ölkə.az xəbər verir ki, bunu təşkilatın mətbuat katibi İveta Tonoyan “Facebook” səhifəsində yazıb.

“Çiçəklənən Ermənistan” Partiyasının üzvü Arman Abovyan isə bildirib ki, hazırda Q.Tsarukyanın evinin yaxınlığındadırlar.

“Hazırda hərbi geyimdə olan silahlı şəxslər axtarış aparır və ev mühasirəyə alınıb.  Bəzi tədbirlər görülür. Hələlik dəqiq nə baş verdiyini bilmirik, amma məlumdur ki, ev əsasən mühasirəyə alınıb və bəzi tədbirlər evin içərisində həyata keçirilir”, - o qeyd edib.

İlkin məlumatlara görə, axtarışlar eyni vaxtda bir neçə “Multi Group” müəssisəsində, eləcə də Olimpiya Komitəsinin ərazisində aparılır.

Xatırladaq ki, bir neçə gün əvvəl prokurorluq Mərkəzi Seçki Komissiyasına Q.Tsarukyanın deputat toxunulmazlığının ləğvi ilə bağlı ərizə göndərib, lakin hələlik bu ərizəyə baxılmayıb.
Qeyd edək ki, seçki kampaniyası zamanı Baş nazir Nikol Paşinyan rəqiblərini, xüsusən də Samvel Karapetyan, Robert Koçaryan və Qaqik Tsarukyanı əmlakını müsadirə etməklə və həbs etməklə hədələyib. 

Q.Tsarukyanın “eşşək” ləqəbi erməni cəmiyyətində və Ermənistan parlamentində “Şirlər eşşəyə qarşı” videosunun internetdə yayılması qalmaqalından sonra verilib. Belə ki, o, “YouTube” kanalında Ermənistanda malikanəsi ərazisində çəkilmiş görüntülərdə iki gənc aslanın eşşəklə mübarizəsini çəkib. Eşşək şirlərin pəncəsindən qaçmağı bacaranda şirlərdən birinin boynundan yapışır və onu qəfəsin döşəməsinə çırpmağa başlayır.

Qiymətli aslanın həyatı üçün qorxan şounun təşkilatçılarından biri eşşəyə atəş açmağa başlayır. Yırtıcılar qəfəsin bir küncünə çəkilirlər, eşşək isə ayaq üstə duraraq qanaxmadan ölür. Bu hadisədən sonra Tsarukyana “eşşək”  ləğbi verilir.

Mürtəza