Bəlucistanda qanlı hücum: Polis məntəqəsinə basqın edildi

Ölkə.az xəbər verir ki, Associated Press agentliyinin verdiyi məlumata görə, hücum nəticəsində doqquz polis əməkdaşı həlak ölüb, bir neçə nəfər yaralanıb.

Hücum  axşam saatlarında silahlı qrupların təhlükəsizlik qüvvələrinə hücumlarının son aylarda daha tez-tez baş verdiyi Bəlucistan əyalətinin Ziarat rayonunun ucqar bir ərazisində baş verib.

Polisin məlumatına görə, hücum edənlər həmçinin səkkiz hüquq-mühafizə orqanı əməkdaşını qaçırıblar, lakin sonradan əməliyyat zamanı hamısı azad edilib.

Bəlucistan hökumətinin sözçüsü Şahid Rind sonrakı əməliyyatın 15 yaraqlının məhv edilməsi ilə nəticələndiyini bildirib. O, silahlı qruplara qarşı kəşfiyyat əməliyyatlarının davam edəcəyini və hakimiyyətin təhlükəsizlik qüvvələrinə qarşı edilən hər hansı bir hücuma qətiyyətlə cavab vermək niyyətində olduğunu vurğulayıb.

Hücuma görə hələlik heç bir qrup məsuliyyəti öz üzərinə götürməyib. Lakin şübhələrin Pakistanda qadağan olunmuş Bəlucistan Azadlıq Ordusunun (BLA) üzərinə düşəcəyi gözlənilir. Bu təşkilat əvvəllər sahil şəhəri olan Civanidə təhlükəsizlik məntəqəsində intiharçı hücumda iştirak etdiyini iddia etmişdi.

Elvin

Ölkə.az