ABŞ qırıcıları İranı belə bombaladı - VİDEO

Ölkə.az xəbər verir ki, videonu ABŞ Mərkəzi Komandanlığı (CENTCOM) paylaşıb. 

Qurumun açıqlamasında bildirilib ki, Hörmüz boğazından keçən ticarət gəmilərinə edilən son hücumlara cavab olaraq ötən gecə İranda 80-dən çox hərbi hədəfə zərbə endirilib. 

CENTCOM-un açıqlamasına görə, İranın hava hücumundan müdafiə sistemləri, komandanlıq və idarəetmə şəbəkələri və sahil radar nöqtələri hədəflər arasında olub. 

“CENTCOM qüvvələri İranın Hörmüz boğazından keçən ticarət gəmilərinə son hücumlarına dərhal reaksiya verib və İrandakı 80-dən çox hədəfə dəqiq idarə olunan sursatlardan istifadə edərək yeni bir zərbə dalğası başlayıb”, - məlumatda qeyd olunub.

Qeyd edək ki, ötən gecə ABŞ ordusu İrana zərbələr endirib. ABŞ Mərkəzi Komandanlığı (CENTCOM) bəyan edib ki, bu, İslam Respublikasının Hörmüz boğazında gəmiləri vurmasına cavabdır.

İran İslam İnqilabı Keşikçiləri Korpusu (SEPAH) isə hücumlara cavab olaraq Birləşmiş Ştatların bölgədəki 85 hədəfinə zərbələr endirib.

Mürtəza