NATO liderləri Ankarada nə yedi? - Sammitin menyusu
Ölkə.az xəbər verir ki, Türkiyənin ev sahibliyi etdiyi tədbirdə dünya liderlərinə türk mətbəxinin ənənəvi təamları müasir təqdimatla təqdim olunub.
Menyunun giriş hissəsində daş sobada bişirilmiş pide, Trabzon kərə yağı, Hizan yaylasından əldə olunan Karakovan balı, zeytun yağında hazırlanmış tərəvəz sotesi və his verilmiş Dənizli yoqurtu təqdim edilib.
Şam yeməyində ara isti yemək olaraq türk mətbəxinin ən məşhur təamlarından biri olan Kayseri mantısı süfrəyə verilib. Mantı his verilmiş Dənizli yoqurtu və hisə verilmiş Ayaş tomat pastası ilə təqdim olunub.
Əsas yemək üçün qonaqlara iki seçim təqdim edilib. Menyuda dəniz levrəyi tarama sousu, Urla saqqız ənginarı və Tokat üzüm yarpağı ilə servis olunub. Digər əsas yemək isə zəif odda uzun müddət bişirilmiş mal qabırğası olub.
Mal qabırğası his verilmiş Trabzon kərə yağı, közlənmiş badımcan və quzugöbəyi göbələyi ilə hazırlanmış plov ilə süfrəyə təqdim edilib.
Sammitin rəsmi şam yeməyi ənənəvi türk şirniyyatı olan Südlü Nuriye ilə yekunlaşıb. Şirniyyat Antep fıstığı köpüyü, Maraş dondurması və berqamotdan istifadə edilməklə təqdim olunub, beləliklə Türkiyənin müxtəlif bölgələrinin dadları bir araya gətirilib.
