“NATO bundan sonra Rusiya qırıcılarını vuracaq” - Litva prezidenti
Ölkə.az “Reuters”ə istinadən xəbər verir ki, Litva Prezidenti Gitanas Nauseda deyib.
O bildirib ki, bu, qırıcı pilotların qərar qəbuletmə mandatını genişləndirəcək və onlara, digər məsələlərlə yanaşı, təhdid obyektlərini məhv etmək səlahiyyəti verəcək.
Dövlət başçısı vurğulayıb ki, hava patrul missiyası bir növ çəkindirmə xarakteri daşıyır. “Lakin bu gün baş verənlər tam olaraq dinc mühit deyil”.
Bu missiyanın statusunun yüksəldilməsi qərarı NATO müttəfiqləri tərəfindən Ankara sammitində verilib.
Estoniyanın müdafiə naziri Hanno Pevkur izah edib ki, təhdidlərə cavab vermək məsələsində daha çox çevikliyi təmin etmək üçün əsas səlahiyyət NATO-nun Avropa Müttəfiq Komandanlığına və pilotların özlərinə məxsusdur.
Onun sözlərinə görə, indi əməliyyatların sürəti çox vacibdir.
“Birincisi, biz müəyyən ilkin icazələr verdik. İkincisi, pilotların artıq paytaxtla əlaqə saxlamasına ehtiyac olmaması vacibdir. Onlar hədəfi müəyyənləşdirdikdən və yerdəki əlavə zərəri aradan qaldırdıqdan və ya minimuma endirilə biləcəyini təsdiqlədikdən dərhal sonra hücum edə bilərlər”, - H.Pevkur vurğulayıb.
Əvvəllər dronlar, eləcə də Rusiya döyüş təyyarələri dəfələrlə Baltikyanı ölkələrə uçuşlar həyata keçiriblər.
NATO-nun Baltik hava patrul missiyası 2004-cü ildə, öz qırıcı təyyarələri olmayan üç Baltikyanı dövlətin də alyansa qoşulmasından sonra başlayıb. Hazırda iki regional aerodromda rotasiya əsasında yerləşdirilən ondan çox müttəfiq qırıcı təyyarəsi var.
Bu döyüş təyyarələri Kalininqrad bölgəsindən Finlandiya körfəzinə və Rusiyanın quru sərhədlərinə qədər beynəlxalq sular üzərində uçan hər bir Rusiya hərbi təyyarəsini tutmaq və müəyyən etmək üçün havaya qaldırılır.
Mürtəza
