Ərzaq qıtlığından həlak oldular
Uqandanın şimal-şərqindəki Karamoca regionunda kəskin ərzaq qıtlığından azı 16 nəfər həlak olub.
Ölkə.az xəbər verir ki, bu barədə ölkənin baş nazirinin ofisi məlumat yayıb.
Qeyd olunur ki, uzun sürən quraqlıq məhsulun kütləvi məhvinə və kəskin ərzaq qıtlığına gətirib çıxarıb ki, bu da insanların ölümünə səbəb olub.
Məlumata görə, çərşənbə günü hökumət Kaabonq dairəsinin alt qraflıqlarına 13 ton qarğıdalı və 9 ton lobya daxil olmaqla, 22 ton təcili ərzaq yardımı çatdırıb. Həmçinin təcili yardıma ehtiyacı olan ən çox zərər çəkmiş dairələrdə dərhal paylanılması üçün daha bir ərzaq yardımı partiyası hazırlanıb.
Bazar ertəsi baş nazirin ofisi bütün Karamoca regionu üçün əlavə təcili ərzaq ehtiyatlarının alınmasına razılıq verilməsi üçün Nazirlər Kabinetinə müraciət edəcək.
