Aİ Çindən asılılığı azaltmaq üçün yeni "həmrəylik vasitəsi" hazırlayır
Avropa İttifaqı (Aİ) potensial ticarət müharibəsi halında Çindən asılılığını azaltmaq istəyən şirkətləri dəstəkləmək üçün yeni mexanizm hazırlamağa başlayıb.
Ölkə.az xəbər verir ki, bu barədə "Bloomberg" agentliyi mənbələrə istinadən məlumat yayıb.
Məlumata görə, Aİ şirkətlərin vacib malların tədarükünü şaxələndirməsinə, həmçinin ticarət münaqişəsi halında Pekinin potensial cavab tədbirlərinin təsirini azaltmasına dəstək verəcək sözdə "həmrəylik vasitəsi" hazırlayır.
Qeyd olunur ki, bu təşəbbüsün həyata keçirilməsi üçün əhəmiyyətli maliyyələşdirmə tələb olunacaq. Bundan əlavə, onun müzakirəsi bir sıra Aİ dövlətlərinin xərclərini azaltmaq istəməsi fonunda aparılır.
