Bayden 3 il davam edən məhkəməni qazandı
Los-Anceles məhkəməsi Amerika onlayn pərakəndə satış şirkəti Overstock.com-un keçmiş baş direktoru Patrik Birnin ABŞ-ın keçmiş prezidenti Co Baydenin oğlu Hanter Baydenə böhtan atdığına görə 1,7 milyon dollar təzminat ödəməsinə dair qərar qəbul edib.
Ölkə.az xəbər verir ki, qərar Kaliforniya Mərkəzi Məhkəməsinin elektron məlumat bazasında dərc olunub.
Qeyd edək ki, Birn Hanter Baydenin İran hakimiyyəti ilə əlaqə quraraq, onlardan İranın 8 milyard dollarlıq aktivlərinin blokdan çıxarılması üçün 800 milyon dollar əldə etmək istədiyinə dair açıqlama ilə çıxış edib. 2023-cü ilin avqust ayında Hanter Birnə qarşı böhtan üzrə iddia qaldırıb.
Proses bu günlərdə yekunlaşıb və məhkəmənin qərarı ilə Birn tərəfindən ddiaçıya nominal təzminat olaraq 1 dollar və cəza olaraq 1,7 milyon dollar ödənilib.(musavat.com)
