Qara dəlikdən enerji almaq mümkün ola bilər - Sensasion təcrübə
Fiziklər fırlanan qara dəliklərdən enerji əldə etməyin nəzəri cəhətdən mümkün olduğunu göstərən məşhur Penrouz mexanizmini ilk dəfə laboratoriya şəraitində təqlid etməyə nail olublar.
Ölkə.az xəbər verir ki, tədqiqat zamanı alimlər həqiqi qara dəlik əvəzinə ultra sürətli fırlanmanı imitasiya edən xüsusi qurğudan istifadə ediblər.
Eksperiment göstərib ki, müəyyən şəraitdə fırlanan sistemdən əlavə enerji çıxarmaq mümkündür. Alimlərin fikrincə, bu nəticə qara dəliklərin davranışını daha yaxşı anlamağa kömək etməklə yanaşı, gələcəkdə dalğa fizikası, kvant texnologiyaları və enerji sistemləri sahəsində yeni tətbiqlərə yol aça bilər.
Tədqiqat hələ fundamental elm xarakteri daşıyır və yaxın illərdə praktik enerji mənbəyinə çevrilməsi gözlənilmir. Bununla belə, mütəxəssislər bunu astrofizika sahəsində son illərin ən maraqlı laboratoriya nailiyyətlərindən biri hesab edirlər.(lent.az)
