ABŞ ordusu: İrana 7 saatlıq hücum seriyası - BU OBYEKTLƏR VURULDU
Ölkə.az xəbər verir ki, bu barədə ABŞ Mərkəzi Komandanlığının (CENTCOM) məlumat yayıb.
"ABŞ Mərkəzi Komandanlığı İrana qarşı daha bir zərbə endirib və Hörmüz boğazının İran sahillərində onlarla hərbi hədəfi vurub", - məlumatda qeyd olunub.
Bildirilib ki, zərbələr həmçinin İranın raket bazalarına və pilotsuz təyyarə bazalarına da dəyib.
"Yeddi saatlıq zərbələr dalğası zamanı ABŞ qırıcı təyyarələri, dronları və Hərbi Dəniz Qüvvələrinin gəmiləri İranın raket və dron bazalarına, dəniz aktivlərinə və sahil müdafiə sistemlərinə dəqiq idarə olunan sursatlar ataraq İranın kommersiya gəmiçiliyini və mülki heyətləri təhdid etmək qabiliyyətini daha da zəiflədib", - məlumatda bildirilir.
Mərkəzi Komandanlıq qeyd edib ki, bu zərbələr dalğası Amerika qüvvələrinin İran limanlarının dəniz blokadasını bərpa etdiyi gün başlayıb.
Blokada çərşənbə axşamı Şərq Sahil Vaxtı ilə saat 16:00-da qüvvəyə minib.
CENTCOM vurğulayıb ki, Amerika qüvvələri ayıq-sayıq, bacarıqlı və Ali Baş Komandanın göstərişi ilə əməliyyatlar aparmağa hazırdır.
Mürtəza
