Fransada büdcə böhranı: Hökumət xərcləri ixtisar etməyə məcburdur
Fransa hökuməti artan büdcə kəsiri ilə mübarizə aparmaq məqsədilə 2027-ci ildə büdcə siyasətini sərtləşdirməyi planlaşdırır.
Ölkə.az xəbər verir ki, bu barədə "Les Echos" nəşri məlumat yayıb.
Bildirilib ki, bu addım nazirliklərin əksəriyyətini öz xərclərini azaltmağa məcbur edəcək. 2027-ci ildə dövlət xərclərinin nominal həcmi 20 milyard avro artaraq 417 milyard avro təşkil edəcək. Lakin bu vəsaitin əsas hissəsi dövlət borcunun ödənməsinə və müdafiə qabiliyyətinin gücləndirilməsinə yönəldiləcək. Beləliklə, ekologiya, təhlükəsizlik və regional inkişaf sahələrindəki prioritet istiqamətlər istisna olmaqla, demək olar ki, bütün digər qurumlar büdcə kəsiri ilə üzləşəcəklər.
Ən böyük ixtisarlar Əmək Nazirliyinə şamil olunacaq ki, onun büdcəsi 1,9 milyard avro azala bilər.
