Trampın Yaxın Şərqdəki mülkləri qanuni hədəf elan edildi

Ölkə.az xəbər verir ki, İran ordusunun mətbuat xidməti ilə əlaqəli Telegram kanalı olan İİKK Xəbər Kanalı, Amerika liderinin bölgədəki mülklərini əks etdirən infoqrafika yayımlayıb.

İnfoqrafikada Birləşmiş Ərəb Əmirlikləri, Səudiyyə Ərəbistanı, Qətər və Omanda yerləşən yeddi Tramp brendli layihə əks olunub.

İranın qanuni hədəfləri arasında mövcud Trump International Golf Club Dubai, tikilməkdə olan Trump International Hotel & Tower Dubai kompleksi, Trump Plaza Jeddah, Trump Tower Riyad, Trump International Golf Club Wadi Safar, Trump International Golf Club and Villas Simaisma və Trump International Hotel Oman var.

Eyni vaxtda Xatəm əl-Ənbiya mərkəzi qərargahının sözçüsü İranın ABŞ-nin Hörmüz boğazı ətrafındakı vəziyyətə müdaxiləsinə icazə verməyəcəyini bildirib. O, həmçinin İranın təmkinliliyi səbəbindən hələ məhv edilməmiş hər şeyi məhv etməklə hədələyib.

Elvin

Ölkə.az