ABŞ-də dəhşətli təbii fəlakətlər - Rəsmi xəbərdarlıq
ABŞ yaxın günlərdə anomal istilər nəticəsində meşə yanğınlarından, eləcə də güclü yağışlar nəticəsində yaranan daşqınlardan qaynaqlanan təhlükə ilə üzləşə bilər.
Ölkə.az xəbər verir ki, bu barədə ABŞ Milli Meteorologiya Xidməti cümə axşamı xəbərdarlıq məlumatı yayıb.
"Meşə yanğınları nəticəsində yaranan tüstü Böyük Göllərin və ABŞ-ın şimal-qərbinin böyük bir hissəsinə təsir göstərir. Hava keyfiyyəti ilə bağlı xəbərdarlıqlar qüvvədədir", - açıqlamada bildirilir.
Oxşar xəbərdarlıqlar ABŞ-nin Orta Qərb bölgələri üçün də edilib.
Xəbərdarlıqda o da qeyd olunub ki, Texas sakinləri daşqınlara səbəb ola biləcək güclü yağışlarla üzləşəcəklər.
"Texasın cənub və mərkəzi hissəsində ən azı cümə gününə qədər həyati təhlükə yaradan genişmiqyaslı daşqınlar gözlənilir", - məlumatda qeyd olunub.
Mürtəza
