Pekin və Moskvadan Trampa sərt reaksiya: Bu, uydurma və böhtandır
Ölkə.az xəbər verir ki, bunu Çin Xarici İşlər Nazirliyinin sözçüsü Lin Tszyan ABŞ liderinin müvafiq iddiasını şərh edərkən bildirib.
“Amerika tərəfinin bu cür açıqlamaları tamamilə uydurma və qərəzli böhtandır. Çin tərəfi həmişə digər dövlətlərin daxili işlərinə qarışmamaq prinsipinə sadiq qalıb, buna heç bir maraq göstərməyib və heç vaxt ABŞ-dakı seçkilərə müdaxilə etməyib”, - XİN rəsmisi deyib.
Rusiya Prezidenti Vladimir Putinin mətbuat katibi Dmitri Peskov isə bildirib ki, ABŞ-nin rəsmi araşdırmasının nəticələri Moskvanın heç bir müdaxilədə iştirak etmədiyini göstərir.
“ABŞ Prezidenti ölkəsinin kəşfiyyat orqanlarından alınan bəzi anonim məlumatlara, əsassız iddialara istinad edir”,- o vurğulayıb.
Peskov əlavə edib ki, Vaşinqton tərəfindən aparılan bütün araşdırmalar Rusiyanın ABŞ-dəki seçkilərə heç bir şəkildə təsir etmədiyi qənaətinə gəlib.
Mürtəza
