Moskva kabus yaşadı: Ölüm gətirən PUA fırtınası Rusiya səmasında

Ölkə.az xəbər verir ki, bu barədə regionun qubernatoru Andrey Vorobyov öz Telegram kanalında məlumat verib.

"Bütün xəsarət alanlar lazımi tibbi yardım alırlar. (...) Hücumun nəticələrini aradan qaldırmaq üçün işimizi davam etdiririk", - Vorobyov qeyd edib.

Vorobyovun sözlərinə görə, 23 zərərçəkən orta dərəcəli xəsarət alıb, 8-nin vəziyyəti ağırdır, digər 5 nəfərin vəziyyəti isə qənaətbəxş kimi qiymətləndirilir. Bir nəfər aldığı xəsarətdən dünyasını dəyişib.

Qubernator həmçinin Ukrayna Silahlı Qüvvələrinin pilotsuz uçuş aparatının hücumundan sonra Elektrostaldakı uşaq bağçasında yanğın baş verdiyini bildirib. Onun sözlərinə görə, uşaq bağçasında uşaqlar və ya işçilər arasında xəsarət alan olmayıb.

Rusiya Müdafiə Nazirliyinin mətbuat xidmətinin məlumatına görə, hava hücumundan müdafiə sistemləri bir gecə ərzində Rusiya ərazisi üzərində Ukrayna Silahlı Qüvvələrinə məxsus 379 pilotsuz uçuş aparatını məhv edib.

Pilotsuz uçuş aparatları Belqorod, Bryansk, Kursk, Smolensk, Ryazan, Kaluqa, Tula, Tambov, Orel, Lipetsk, Tver, Pskov, Voronej, Rostov, Volqoqrad, Leninqrad və Vladimir vilayətləri, eləcə də Moskva vilayəti, Krasnodar diyarı, Krım, Azov və Qara dənizlərinin suları üzərində vurulub.

Moskva meri Sergey Sobyaninin sözlərinə görə, gecə ərzində Moskvaya doğru 370-dən çox dron hücumu olub və onlardan 64-ü vurulub. Qubernator Andrey Vorobyovun sözlərinə görə isə Moskva vilayəti üzərində 48 dron vurulub.

Mürtəza