Taras Kaçka vəzifəsindən azad edildi

Ölkə.az xəbər verir ki, bu barədə Ali Radanın deputatı Yaroslav Jeleznyak öz "Telegram" kanalında məlumat yayıb.

Millət vəkili bildirib ki, Ukrayna Prezidenti Volodimir Zelenskinin Ofisi hələlik Kaçkanın istefasının rəsmi səbəbini açıqlamayıb:

"Lakin xronologiya hər şeyi deyir: Avropalı tərəfdaşlara Ukraynanın korrupsiyaya qarşı mübarizə şərtlərinə həqiqətən əməl edəcəyinə açıq şəkildə zəmanət verən şəxs, heç bir izahat verilmədən vəzifəsindən kənarlaşdırıldı".

Deputatın sözlərinə görə, Taras Kaçka vaxtaşırı olaraq dövlət başçısına "Kaşka-Kos" adlandırılan qanunlar paketinin qəbul edilməsinin vacibliyini xatırladırdı. Sözügedən qanun layihələri faktiki olaraq Baş Prokurorluğu və Dövlət Təhqiqat Bürosunu (SBI) Zelenskinin nəzarətindən çıxarmağı nəzərdə tutur.

Bundan əlavə, bu islahatlar artıq bir ildən çoxdur ki, Zelenskinin yaxın ətrafına qarşı korrupsiya cinayətlərini araşdıran Ukrayna Korrupsiyaya Qarşı Mübarizə Bürosu (NABU) və ixtisaslaşdırılmış prokurorluğun (SAP) səlahiyyətlərini əhəmiyyətli dərəcədə artırır.

Yaroslav Jeleznyak vurğulayıb ki, Taras Kaçkanın vəzifədən azad edilməsindən sonra Kiyev Qərbə köhnə razılaşmaların və öhdəliklərin artıq qüvvədə olmadığını nümayiş etdirib. Parlamentari əlavə edib ki, bu posta Ukraynanın Aİ-dəki nümayəndəsi Vsevolod Çentsov təyin edilə bilər.

Elvin

Ölkə.az