İranda AES-ə hücum: Radioloji təhlükə gözlənilir?
Beynəlxalq Atom Enerjisi Agentliyi (BAEA) İranda tikilməkdə olan "Darkhoveyn" Atom Elektrik Stansiyasına (AES) gecə saatlarında edildiyi bildirilən hücumla bağlı araşdırmalara başlayıb.
Ölkə.az xəbər verir ki, bu barədə qurumun rəsmi "X" sosial şəbəkə hesabında məlumat yayılıb.
Agentliyin məlumatına görə, hazırda tikintisinin ilkin mərhələsində olan obyektdə sonuncu yoxlama zamanı nüvə materialları aşkar edilməyib. BAEA vurğulayıb ki, ilkin ehtimallara görə, hücum hər hansı radioloji təhlükə yaratmayıb. Bununla yanaşı, qurumun baş direktoru Rafael Qrossi nüvə obyektlərinin yaxınlığında hərbi əməliyyatlardan çəkinməyə çağırıb.
Agentlik İran tərəfi ilə əlaqədə olduğunu və vəziyyəti yaxından izlədiyini bildirib. Yeni məlumatlar daxil olduqca ictimaiyyətə əlavə açıqlamalar veriləcək.(oxu.az)
