Vuçiçdən iddialı açıqlama: "Üç aydan sonra qalib gələcəyik"
Serbiya Prezidenti Aleksandar Vuçiç seçkilərdə qalib gələcəklərini deyib.
Ölkə.az xəbər verir ki, bu barədə o, Avstriyanın "Die Presse" qəzetinə müsahibəsində danışıb.
"İnanıram ki, mənim keçdiyim proseslərdən heç bir Avropa lideri, ən azı yaxın zamanlarda keçməyib. Sizin ölkənizdəki media da daxil olmaqla, bir çox mətbuatda böyük sayda yalanlar yayıldı. Səs topu ilə bağlı yalan danışdılar. Bu məsələ sizin ölkənizdə də istifadə olundu. Bu, ən böyük yalanlardan biri idi. Sarayevoda baş verən qətllərdə iştirakımla bağlı da yalanlar söylədilər. Sonda bütün bu məsələlərin yalan olduğu sübut edildi".
A. Vuçiç əlavə edib ki, üç aydan sonra bir çox ölkələrdə keçirilən seçkilərdən daha demokratik olacaq seçkilərdə qalib gələcək və Serbiyanı iqtisadi baxımdan daha da gücləndirəcəklər.
