“Onların maaşları baş nazirin maaşından yüksək ola bilməz” — Macar

Ölkə.az xəbər verir ki, bunu ölkənin baş naziri Peter Macar deyib.

Baş nazir hökumət iclasından sonra keçirilən mətbuat konfransında bildirib ki, "bu cür şirkətlərdə idarəetmə işçilərinin sayı qanunla müəyyən edilmiş minimuma endiriləcək və onların əmək haqqı azaldılacaq".

P.Macar həmçinin qeyd edib ki, vergidən əvvəlki əmək haqqı 3,8 milyon forintdir. "Bu məbləğə həm baş nazir kimi gördüyü iş üçün əmək haqqı, həm də parlament üzvü kimi gördüyü iş üçün ödənişlər daxildir. Dövlət şirkətlərinin rəhbərləri bu məbləğdən çox maaş ala bilməzlər", - deyə o bildirib.

Macar həmçinin sələfi Viktor Orbanın ikiqat çox məvacib aldığını iddia edib. O bildirib ki, Orbanın maaşının vergilərdən əvvəl "7-8 milyon forintə çatıb”.

Macarıstan əvvəllər parlament üzvlərinin maaşlarını, eləcə də onların fəaliyyətləri ilə bağlı digər xərcləri azaltmışdı. Hökumət iddia edirdi ki, bu, büdcəyə təxminən 140 milyon avro qənaət edəcək.