Bu ölkədə "İnsan soyuducusu" hazırlandı
Yaponiyada yay istisinə qarşı "Do Hiemon Box" adlı qeyri-adi qurğu təqdim edilib.
Ölkə.az xəbər verir ki, "İnsan soyuducusu" adlandırılan kabinədə temperatur 15 dərəcə saxlanılır. İstifadəçi əyləşdikdən sonra isə baş, boyun və çiyin nahiyəsinə 5 dərəcəyədək soyudulmuş hava verilir.
Bildirilib ki, 5 dəqiqə ərzində sərinlədici təsir hiss olunur, 10 dəqiqə qalmaq isə bədən temperaturunu aşağı salmağa kömək edir.
Qurğu əsasən tikinti və zavod işçiləri kimi açıq havada və isti şəraitdə çalışanlar üçün nəzərdə tutulub.
Bir kabinənin qiyməti təxminən 1,5 milyon yen (təxminən 15 min 889 manat) təşkil edir.
