Kiyevin zərbələri: Rusiya növbəti dəfə ağır itkilərlə üzləşdi
Ukrayna Silahlı Qüvvələri Rusiyanın sərhəddən 1300 kilometr aralıda yerləşən Kirov vilayətindəki zavoda raket zərbəsi endirməsi nəticəsində xeyli sayda insan ölüb və yaralanıb.
Ölkə.az xəbər verir ki, bunu vilayətin qubernatoru Aleksandr Sokolov deyib.
“Təəssüf ki, Kiyev rejiminin Kirovdakı zavoda hücumu nəticəsində 32 nəfər yaralanıb. Onlardan 6-sı yerindəcə ölüb”, - o söyləyib.
Qubernator əlavə edib ki, raket zərbəsi nəticəsində zavodda baş verən yanğın söndürülüb, su və elektrik təchizatı bərpa olunub:
“Mütəxəssislər yaxınlıqdakı yaşayış binalarını yoxlayırlar və bundan sonra yardım göstərilib-göstərilməməsi barədə qərar veriləcək”.
Qeyd edək ki, Kiyev Kirovdakı zavoda Ukrayna istehsalı olan “Flamingo” raketləri ilə zərbə endirdiyini açıqlayıb.
Mürtəza
