İran-Rusiya-Çin bu türk ölkəsində bir araya gəldi - NƏLƏR MÜZAKİRƏ EDİLDİ?

Ölkə.az xəbər verir ki, görüş Şanxay Əməkdaşlıq Təşkilatına üzv ölkələrin Xarici İşlər Nazirləri Şurasının iclası çərçivəsində baş tutub. 

Lavrovla keçirilən görüşdə Əraqçi Fars körfəzindəki hazırkı gərginliyi və münaqişənin sülh yolu ilə həlli üçün təhlükə altında olan perspektivləri müzakirə ediblər. Rusiya bölgədə sabitliyin, təhlükəsizliyin və maneəsiz naviqasiyanın bərpası naminə hərbi əməliyyatlara son qoymaq üçün tez bir zamanda davamlı razılaşmaların əldə edilməsinin vacibliyini vurğulayıb. Bir sıra təcili ikitərəfli məsələlər də müzakirə edilib.

Nazir Hörmüz boğazındakı mövcud qeyri-sabitliyi ABŞ-ın İrana qarşı vədlərini pozması və cinayətlərinin birbaşa nəticəsi kimi qiymətləndirib. “İran öz maraqlarını və milli təhlükəsizliyini müdafiə etməkdə və ABŞ-ın Hörmüz boğazından İranın milli təhlükəsizliyini təhdid etmək üçün sui-istifadə etməsinin qarşısını almaqda qərarlıdır”, -iranlı nazir qeyd edib
O Tehranın region ölkələri ilə birlikdə təhlükəsizlik mexanizminin yaradılmasında əməkdaşlığın və etimadın qurulmasının vacibliyini vurğulayaraq ölkəsinin bu məsələdə hər cür yardım göstərməyə hazır olduğunu bildirib.
Əraqçi çinli həmkarı ilə görüşdə qarşılıqlı maraq doğuran bütün sahələrdə əməkdaşlığı daha da gücləndirmək və dərinləşdirmək, eləcə də aralarında əldə edilmiş razılaşmaların tam şəkildə həyata keçirilməsi, ikitərəfli və çoxtərəfli əməkdaşlığın genişləndirməsi üçün ŞƏT və BRİKS-in potensialından istifadə edilməsi səyləri müzakirə edilib.
ABŞ-nin hücumlaır yenidən bərpa etməsinə toxunan nazir İranın həyati əhəmiyyətli infrastrukturuna qarşı qəddar hücumları və ABŞ tərəfindən müharibə cinayətlərinin törədilməsini pisləyib. O Hörmüz boğazında və regionda qeyri-sabitliyin yalnız ABŞ-ın İslamabad Sazişini pozması ilə əlaqəli olduğunu qeyd edib.
Çinli nazir Qərbi Asiyada sülh və əmin-amanlığın bərpasının region ölkələri arasında etimad və əməkdaşlığın gücləndirilməsinin vacibliyini qeyd edib. O Pekinin bu məsələdə hər cür yardım göstərməyə hazır olduğunu vurğulayıb.
Mürtəza