Avstriya Ukraynanın Aİ-yə sürətli qoşulmasına qarşı çıxdı
Avstriyanın Avropa işləri üzrə naziri Klaudiya Bauer "Welt am Sonntag" qəzetinə verdiyi müsahibədə Kiyevlə bağlı tənqidi fikirlər səsləndirib.
Ölkə.az bu barədə xarici mediaya istinadla xəbər verir.
"Məndə belə bir təəssürat yaranır ki, son aylarda Ukrayna prezidenti getdikcə daha çox Ukraynanın Aİ-yə qəbul tarixini diktə etməyə çalışır. Lakin bu şəkildə sürətləndirilmiş qoşulma ola bilməz", - deyə Bauer bildirib.
O əlavə edib ki, Kiyevin korrupsiya ilə mübarizə və qanunun aliliyinin gücləndirilməsi sahələrində hələ çox işi var.
Yanvar ayında Avstriya kansleri Kristian Ştoker də Ukraynanın Aİ-yə sürətləndirilmiş qəbuluna qarşı çıxmışdı.
