Getdikcə daha çox rus Putinin uduzduğunu görür

Ölkə.az xəbər verir ki, bunu Ukrayna Prezidenti Volodimir Zelenski ənənəvi axşam çıxışında bildirib.

Zelenski qeyd edib ki, Ukrayna kəşfiyyatı Rusiyanın payız planları barədə məlumata malikdir və bu planlarda heç bir sülh yoxdur. Onun sözlərinə görə, Putin səfərbərliyi genişləndirmək üçün şərait hazırlayır.

“İtkilərə dair rəqəmlər hər şeyi deyir. Bu ilin yeddi ayından az müddətdə 221.000 nəfər Rusiya silahlı qüvvələrinin sıralarına qoşulub. Eyni dövrdə rusların itkiləri təxminən 225.500 nəfər təşkil edir. Onlardan 131.000 nəfəri həlak olub, təxminən 93.000 nəfəri yaralanıb. Rusların cəbhədə tibb xidməti çox zəifdir”, - deyə prezident bildirib.

Zelenaki əlavə edib ki, Putin yeni rusları müharibəyə aparmağa hazırlaşır: "O, buna hazırlıq görür. Bundan əlavə, Rusiya Şimali Koreya ilə əməkdaşlıq edərək həmin ölkədən yeni hərbi personal əldə edir və KXDR öz növbəsində ballistik raket buraxıcılarını köçürməyə hazırlaşır. Rusiya Şimali Koreyadan daha 30 min hərbi qulluqçu qəbul etmək istəyir: iyun ayından bəri Voronej bölgəsində onları qəbul etmək üçün hazırlıqlar aparılır. Şimali Koreya həmçinin Rusiyaya yeni ballistik raket buraxıcıları təhvil verməyə hazırlaşır. Bu, təkcə Ukrayna üçün təhlükə deyil", - deyə o bildirib.

Zelenski əlavə edib ki, Rusiya Şimali Koreyaya müharibəyə hazırlıqda kömək edir, silahlarını təkmilləşdirir və onların faktiki istifadəsində təcrübə qazandırır. Bu da öz növbəsində Asiyada Şimali Koreya raketlərinin hədəf dairəsində olan hər kəs üçün təhlükə yaradır. Ukrayna da öz növbəsində onlara qarşı çıxacaq.

Zelünski vurğulayıb ki, Moskvanın müharibəyə son qoymaq istəməsi üçün Rusiya Federasiyasına tərəfdaşlarla birlikdə təzyiq göstərmək vacibdir:

“Biz və tərəfdaşlarımızın Rusiyaya kifayət qədər təzyiq göstərə bilməyimiz vacibdir. Rusiya səfərbərlik deyil, sülh haqqında düşünməlidir. Uzaq mənzilli əməliyyatlarımız, orta mənzilli zərbələrimiz buna öz töhfəsini verir. Getdikcə daha çox rus Putinin müharibəsini və uduzduğunu görür. Ruslar artıq müharibənin uzanmamalı olduğunu düşünür. Biz bunu görürük”.(Teleqraf)