Əraqçidən Kaya Kallasa xəbərdarlıq: Xəzərdəki gəmi hücumu beynəlxalq təhlükəsizliyə təhdiddir

Ölkə.az xəbər verir ki, tərəflər regional və beynəlxalq gündəlikdə duran aktual məsələləri müzakirə ediblər.

Müzakirə zamanı İranın xarici işlər naziri Avropa ölkələrinin regionda baş verən proseslərə məsuliyyətsiz yanaşdığını bildirərək onları tənqid edib. Əraqçi vurğulayıb ki, işğal və soyqırımı siyasətinə verilən hərtərəfli dəstəyə, eləcə də İrana qarşı ABŞ-İsrail hərbi təcavüzünə ikili standartlarla yanaşılmasına görə Aİ insan hüquqlarından danışmaq kimi mənəvi haqqını itirib.

İran XİN rəhbəri Ukraynanın Xəzər dənizində İran ticarət gəmisinə hücumunu "son dərəcə təhlükəli addım" kimi qiymətləndirib. O, Aİ nümayəndəsinin diqqətinə Rəsmi Kiyevin bu hərəkətlərə görə məsuliyyət daşıdığını çatdıraraq, bənzər addımların regional və beynəlxalq sülh üçün gözlənilməz fəsadlar törədəcəyi barədə xəbərdarlıq edib.

Kaya Kallas münaqişə zonasının genişlənməsindən narahatlığını ifadə edib. O, gərginliyin daha da artmasının qarşısını almaq üçün Aİ ilə İran arasında məsləhətləşmələrin davam etdirilməsinin vacibliyini qeyd edib.

Elvin

Ölkə.az