Yaponiyanın qədim paytaxtlarının qalıqları UNESCO siyahısına daxil edildi
UNESCO Yaponiyanın Nara prefekturasında yerləşən Asuka və Fucivara qədim paytaxtlarının arxeoloji kompleksini Ümumdünya İrs Siyahısına daxil edib.
Ölkə.az xəbər verir ki, bu barədə UNESCO-nun Cənubi Koreyanın Busan şəhərində keçirilən iclasında qərar qəbul olunub.
Bildirilib ki, VI əsrin sonu – VIII əsrin əvvəllərinə aid 19 arxeoloji obyektdən ibarət kompleks Yaponiyada mərkəzləşdirilmiş dövlətin formalaşması prosesini əks etdirir. Buraya Asuka və Fucivara saraylarının qalıqları, ilk paytaxtın izləri, buddist məbədləri və qədim kurqanlar daxildir.
UNESCO qeyd edib ki, bu abidələr Çin və Koreya yarımadası ilə tarixi əlaqələrin təsiri altında Yaponiyanın dövlətçilik tarixini nümayiş etdirən mühüm irs nümunələridir.
Qərardan sonra Yaponiyanın UNESCO Ümumdünya İrs Siyahısındakı obyektlərinin sayı 27-yə çatıb. Bunlardan 22-si mədəni, 5-i isə təbii irs obyektidir.(teleqraf)
