111 milyard dollarlıq sövdələşmə təxirə salındı

Ölkə.az xəbər verir ki, bu barədə "The Variety" nəşri məlumat yayıb.

Məlumata görə, təxirəsalma antiinhisar araşdırması ilə əlaqədardır.

Kaliforniya da daxil olmaqla 12 ştat sövdələşmənin dayandırılması üçün məhkəməyə müraciət edib. Onlar hesab edirlər ki, bu birləşmə kino sənayesində rəqabəti zəiflədə bilər.

"Amerika həyatında mühüm əhəmiyyət daşıyan bazarlarda az sayda korporasiyanın həddindən artıq güc qazanması qiymətlərin artmasına və vəziyyətin daha da pisləşməsinə səbəb olur", - deyə Kaliforniyanın baş prokuroru Rob Bonta "Paramount Skydance Corp." ilə bağlı razılaşmanı şərh edərkən bildirib.

Xatırladaq ki, iyun ayında ABŞ Ədliyyə Nazirliyi "Paramount Skydance Corp." şirkətinin "Warner Bros. Discovery"ni alması ilə bağlı sövdələşməni təsdiqləmişdi. Qurumun qənaətinə görə, bu birləşmə nə rəqabətə, nə də istehlakçılara zərər vuracaq.(oxu.az)