Çindən ABŞ-nin yuxusunu qaçıran addım

Ölkə.az xəbər verir ki, Pekinin yeni nəsil sualtı qayığı ABŞ-də ciddi narahatlıq doğurub. 
Hələ may ayında BlackSky tərəfindən Şanxaydakı Jiangnan Gəmiqayırma Zavodunda tikilməkdə olan yeni hücum sualtı qayığınının görüntələrini ortaya çıxarsa da, rəsmi Pekin hələlik susqunluq nümayiş etdirməkdədir.

Hərbi ekspertlər hesab edirlər ki, şəkillərdə görünən sualtı qayıq Çinin mövcud 093 Tipli "Şanq" sinfinin təkmilləşdirilmiş versiyası və ya tamamilə yeni bir sinif ola bilər.
Perceptum tədqiqat şirkətinin təsisçisi Timoti Hit “South China Morning Post” qəzetinə bildirib ki, qayıq tamamilə yeni bir sinfə aiddir.

Təxminən 120 metr uzunluğunda və 10 metr enində olduğu təxmin edilən sualtı qayıq, Pekinin son illərdə sürətləndirilmiş dəniz modernləşdirilməsinin ən konkret təzahürlərindən biridir.
Məlumata görə, Çin 2021-2025-ci illər arasında inventarına 10 sualtı qayıq əlavə edib.
Peyk məlumatlarına görə, yeni sualtı qayıq 093 tipli modellə müqayisədə daha kiçik qüllə quruluşuna və daha qısa gövdəyə malikdir. Daha kiçik qüllə dizaynı sualtı sürtünmənin və turbulentliyin azaldılmasında mühüm rol oynayır.

Yeni dizayn dəyişiklikləri, sualtı qayığın passiv sonar sistemləri, P-8 Poseidon patrul təyyarələri və alt sensor şəbəkələri tərəfindən aşkarlanmasını olduqca çətinləşdirir.

Sualtı qayığın nüvə enerjisi ilə işləyən olub-olmadığını, yoxsa ənənəvi sistemlərdən istifadə etdiyini hələlik yalnız peyk görüntülərinə baxmaqla müəyyən etmək mümkün deyil.

Mürtəza