Sabiq Prezident Yanukoviç soyadını dəyişərək Moskvadan köçdü

Ölkə.az xəbər verir ki, bu barədə Toronto televiziyası məlumat yayıb.

Telekanalın məlumatına görə, müstəntiqlərin fikrincə, Yanukoviç nikahdankənar həyat yoldaşı Lyubov Polejay ilə birlikdə Soçidəki mülkdə məskunlaşıb.  O çox güman ki, Abxaziyaya səfərlərində Polejayı müşayiət etdiyi Oleq Nikolayeviç Leonovun adına sənədlərdən istifadə edir. Bundan əlavə, Rusiya məlumat bazalarında Leonovun doğum tarixi Yanukoviçinki ilə eynidir və qaçqın siyasətçinin anasının qızlıq soyadı Leonova olub. Jurnalistlər bu şəxs haqqında başqa heç bir məlumat tapa bilməyiblər.

İstintaqın məlumatına görə, Rusiyada olduqları illər ərzində Yanukoviçin qohumları yüzlərlə hektar torpaq sahəsi, onlarla əmlak əldə edib və bank hesablarına milyonlarla dollar yatırıblar. Bu arada, keçmiş prezidentin oğlu Aleksandr həyat yoldaşı və iki oğlu ilə birlikdə Sokolov soyadı altında yaşayır, Lyubov Polejay isə soyadını qızlıq soyadına Sadıkova ilə dəyişib.

Yaşlı Yanukoviçin partnyorunun sosial media hesablarından götürülmüş şəkillər Soçidəki Yesaulenko küçəsindəki "Qreys" malikanəsinin şəkilləri ilə üst-üstə düşür. 

Mürtəza