İran və Omanın yeni Hörmüz planı - Təfərrüat

Ölkə.az “Bloomberg”ə istinadən xəbər verir ki, əraziləri boğazla həmsərhəd olan İran və Oman ötən həftə sonu Tehranda rəsmiləri ilə görüşdükdən sonra danışıqları davam etdirirlər.

Nəşr mənbələrinə məlumat verib ki, Hörmüz boğazı ilə bağlı yeni təkliflərdən biri gəmilərin boğazdan keçməsi üçün sözdə orta dəhlizin yenidən açılmasıdır. Lakin bu dəhliz İran tərəfindən minalandığından gəmilərin marşrutdan müntəzəm istifadə edə bilməsi üçün bunların təmizlənməsinin vacibliyini irəli sürülüb.

“Bloomberg”in yazdığına görə, Britaniya, Fransa və digər Avropa ölkələri mina təmizləmə səylərinə rəhbərlik edə biləcəklərini bildiriblər, lakin bu, yalnız təhlükəsiz olduqda baş tuta bilər.

ABŞ və İran arasında münaqişənin başlanğıcından bəri gəmilər boğazdan keçmək üçün əsasən şimal və ya cənub marşrutundan istifadə ediblər.

“Axios”un məlumatına görə isə danışıqlar əsasən İran və Oman arasında aparılır. Qətər, Pakistan, Misir və ABŞ prezidentlərinin elçiləri Stiv Uitkof və Cared Kuşner də danışıqlarda iştirak edirlər.

 Mürtəza