Trampın mafiya ilə əlaqələri ortaya çıxıb
ABŞ prezidentliyinə namizəd Donald Trampın mafiya ilə əlaqəsi üzə çıxıb.
Ölkə.az xəbər verir ki, respublikaçı Ted Kruz sensasion bəyanatla çıxış edərək milyarder namizədin mafiya qruplaşmaları ilə əlaqəsinin olduğunu iddia edib.
"Mediada Trampın mafiya ilə əlaqəsi haqda çoxlu sayda məlumatlar dərc olunub. Ona görə də bu şəxsin vergi sənədlərinin ciddi yoxlanması lazımdır", deyə senator bildirib.
Xatırladırıq ki, ABŞ-ın aparacı media orqanlarında yer alan məlumatlarda Donald Trampın şirkətinin "Şişman" ləqəbli məşhur mafiozi Toni Salernoya məxsus S&A Constructrion şirkəti ilə əlaqəsindən ətraflı danışılmışdı. Hazırda Toni Salernonun cinayətkar təşkilat yaratmaq üstündə həbsdə olduğu bildirilir.
