Obama Ferquson sakinlərini sülhə çağırdı

ABŞ dövlət başçısı Barak Obama Ağ Evdə təşkil etdiyi mətbuat konfransında son günlər baş verən hadisələrə münasibət bildirib

Ölkə.Az bildirir ki, Missuri ştatının Ferquson şəhərinin sakinlərinə səslənən Obama insanları bir-birləri ilə mehriban olmağa çağırıb. Obama şəhərdə sabitliyin yaranması və ictimai təhlükəsizliyin təmin olunması üçün Milli Qvardiyanın bu işə cəlb olunacağını bildirib.

Ferqusonda etirazçıların əksəriyyətinin sülhə razı olduğunu bildirən Obama: “Talan edərək, silahlı qarşıdurmalar yaradaraq və hətta polisə hücum edərək nifrətə boyun əymək yalnız gərginliyi artırır” deyə hər kəsi soyuqqanlı olmağa çağırıb.  

Qeyd edirik ki, ABŞ-ın ədliyyə naziri Həmçinin Erik Holder prezident Obamanın tapşırığı ilə Ferqusona yola düşməyə hazırlaşır.

Gülnar Hüseyin

Ölkə.Az