Almaniya Kürd dövlətinin qurulmasına razı deyil

Almaniya Xarici İşlər Naziri Frank Valter Steynmeyner Şimal İraqda müstəqil bir kürd dövlətinin yaradılmasının əleyhinə olduqlarını açıqlayıb: 

Ölkə.Az Türkiyə mətbuatına istinadən xəbər verir ki, açıqlamada deyilir: “Müstəqil bir kürd dövlətinin yaradılması sabitliyi pozacaq və çox güman ki, İraq və qonşu dövlətlər arasında gərginlik yaradacaq”. 

Türkiyə və Suriyada yaşayan kürdləri xatırladan alman nazir İraqın torpaq bütövlüyünün qorunmasını ümid etdiyini qeyd edib. Sosial Demokratlar Partiyasından olan nazir "Heydər Əl Abadi baş nazirliyi ilə Bağdadda ölkənin bütün bölgə və dini inanclarına hörmətlə yanaşan və "İŞİD"ə qarşı özünü müdafiə edəcək yeni bir hökümətin qurulması İraq dövlətinin bütövlüyü üçün bəlkə də son şansdır” - deyə bildirib.

Qeyd edək ki, Xristiyan Demokratik Birliyindən olan millət vəkili Karl Qorq Velman şənbə günü “Die Welt” qəzetinə verdiyi məlumatda Şimal İraqda müstəqil bir kürd dövlətinin yaranmasını dəstəklədiyini bəyan etmişdi. Velman İraq dövlətinin ölkədə sabitliyi qoruma gücünün olmadığını, lakin kürdlərin məskən saldığı bölgədə iqtisadi və siyasi baxımdan sabitlik olduğunu bildirmişdi.

Ölkə.Az