Abdulla Gül baş nazir ola bilməz

Rəcəb Tayyib Ərdoğanın prezident seçilməsinin ardından Abdulla Gülün baş nazir olacağını iddia edənlər var.  Gül millət vəkili olmadığı üçün qanunla baş nazir olması mümkün deyil.

Bəzi analitiklər və kütləvi informasiya vasitələri Ərdoğanın baş nazir olaraq Abdulla Gülü təklif edəcəyini iddia edir. Ərdoğanın dövlət başçısı seçilməsi səbəbindən baş nazirlik kreslosuna Abdulla Gül, xarici işlər naziri Əhməd Davutoğlu, ya da keçmiş nazir Binalı İldırımın oturacağı iddia edilir. Ancaq Abdulla Gülün baş nazir olması ehtimalı Konstitusiyaya ziddir. 

Türkiyə Konstitusiyanın 44-cü maddəsində qeyd edilir: “Baş nazir dövlət başçısı tərəfindən Türkiyə Böyük Millət Məclisi üzvləri arasından təyin olunur”.

Abdulla Gülün baş nazir olması üçün 2015-ci ilin noyabr ayında keçiriləcək seçkilərdə millət vəkili seçilməsi və prezident tərəfindən hökuməti qurmaqla vəzifələndirilməsi lazımdır./Modern.az/

Ölkə.Az