ABŞ-dan İsrailin müdafiə sisteminə 225 milyon dollar

Amerika Birləşmiş Ştatları Konqresi ABŞ-ın İsrailin raket-əleyhinə müdafiə sisteminə 225 milyon dollar dəyərində yardımı nəzərdə tutan qanun layihəsini qəbul edib. 

Qanun layihəsinin lehinə 395, əleyhinə isə 8 nəfər səs verib. Konqresin Nümayəndələr Palatasının qanun layihəsini təsdiq etməsi 5-həftəlik yay tətilinə çıxmazdan əvvəl verilən son qərar olub. 

Həmin vəsait İsrailin "Dəmir Günbəz" adlı raket-əleyhinə müdafiə sisteminin ehtiyatlarının artırılmasına sərf olunacaq. Nümayəndələr Palatasından bir neçə saat əvvəl isə Senat həmin qanun leyihəsinin lehinə səs vermişdi. Qanun ABŞ prezidenti Barak Obama tərəfindən imzalandıqdan sonra qüvvəyə minəcək. 

Bir neçə gün əvvəl isə Pentaqon İsrailə Qəzza əməliyyatlarında istifadə etməsi üçün ABŞ tərəfindən silah-sursat təchizatının həyata keçirildiyini təsdiqləmişdi./anspress/

Ölkə.Az