ABŞ-da intiharların sayı 15 ildə dörd dəfə artıb
ABŞ-da özünü öldürənlərin sayı 1999-cu ildən başlayaraq 24 faiz artıb.
Ölkə.Az Modern.az-a istinadən xəbər verir ki, bu məlumat Amerikanın xəstəliklərin profilaktikasına nəzarət idarəsinin stastistik hesabatında öz əksini tapıb.
Sənəddə qeyd edilir ki, intiharların sayı 1999-2006-cı illərdə 1 faiz çoxalıb. 2006-2014-cü illərdə artım ildə orta hesabla 2 faiz olub. Ən yüksək intihar yaşı 10-dan 14-ə qədər olan qızlar arasında qeydə alınıb. Bu qrup üçün göstərici 3 dəfə çoxalıb.
Vanderbilt Tibb universiteti mərkəzinin doktoru Rassel Rotman bəyan edib ki, ölkədə intiharlar daha çox qadınlar arasında artır. Onun fikrincə, buna səbəb müxtəlif iqtisadi və sosial faktorlardır. Özlərini öldürən adamların əksəriyyəti əsəbi pozuntuları olanlar, yaxud psixoaktiv maddə qəbul edənlərdir.
